नाखवा

वल्हव रे नाखवा दर्याचांदणी होडी तुझी

जगास रे दाखवा सखी नांदणी जोडी तुझी

नको जाऊ दूर खोल सागरी उगा भुलूनी

लक्षात ठेव गोष्ट एव्हढी वाट पाही कुणी

चंचल सागरी मत्त लाटा ये उचंबळूनी

जाळे ओढून अतिश्रमाने जाशील गळूनी

उपजिविकेला संसाराला गरज कष्टांची

उधाणल्या दर्यात होती हेलकावे होड्यांची

जाळ्यात गावले सारंगा नेऊ बाजारा बिगी

येता मनाजोगी किंमत होई कोळ्याची सुगी