मृग नक्षत्र

मृग नक्षत्र प्रारंभ 

आला पाऊस जोरात

गंध मातीचा मोहक

थेंब थेंब गारव्यात

काळे मेघ नभी आले

वीज शूभ्र कडाडली

थंड तुफानी वाऱ्यात

सर वरुणाची आली

आला पाऊस जोमात

झाली किमया क्षणात

नष्ट झाला कोरडावा 

जल जल हे मातीत

झाला पालट भूवर

ओलावा तिच्या गर्भात

जागो जागी अंकुरले 

कोवळ्या हिरवाईत

सुखावली वसुंधरा

वरुणाच्या आगमणी

कसा शमला उन्हाळा

हर्ष वाटे क्षणोक्षणी

आला वरुण वरुण

झालं चैतन्य निर्माण

थेंब वरूणाचे दवा

गेला दुष्काळ सरुण

वरूणाचे आगमन

गेला दुष्काळ सरुन

नदी,नाले,तळे,ओढे

वाहे दुथडी भरून

झाला पाऊस परीस

स्वप्न बळीचे सत्यात

मनी सुखाची रे आस

सोनं हिरवं शेतात