मोठं मन
मोठं मन
1 min
270
इतरांना मोठं म्हणायला
खूप मोठं मन लागतं
इतरांना मदत करायला
पैश्याच्या श्रीमंतीची नाही
मनाच्या श्रीमंतीचं धन लागतं
नसते काहींच्या मनात
इतरांना मोठं म्हणायचं
ते नेहमी कुढत राहतात
आपल्याच छोट्या मनात
इतरांची केलेली वाहवा
यांच्या डोळ्यात सलते
आपली तारीफ केली की
दुश्मन भी मग गोड वाटते
अश्यांची होत नसते प्रगती
ते नेहमीच जळत असतात
आपल्याच कोशात नेहमी
स्वतःला गुरफटून बसतात
हळूहळू सारेच दूर होतात
कोणी राहत नाही जवळ
कळतात सारे गुण अवगुण
भाटच शिल्लक राहती निव्वळ
दुसऱ्यांच्या सुखात शोधा
आपलेही जरासे सुख
दुसऱ्याच्या दुःखात ठेवू वाटा
तेंव्हा समाधानी दिसे मुख