मन

मनातल्या सागर लहरी

स्पर्शतात रोज किनारी

अस्तित्वाच्या शोधासाठी पुन्हा

सागरात विरून जाई

मनातला बेभान वारा

सुसाट वाहे भुतलावरी

श्वासातून जाणवत राही

जगण्याची इच्छा सारी

मनातल्या आकाशाला

कशाचेही बंध नाही

क्षितिजाच्या शोधासाठी

नजर भिरभिरत राही

मनातल्या अग्नीची

ज्वाला भडकत राही

शोध घेता स्वतःचा

ज्वलनाची क्रीया होत राही

अग्नी होताच शांत

राखच उरे सारी

मातीत राख मिसळूनही

सुगंध दरवळत राही

मातीतल्या प्रत्येक कणाला

नवा संदर्भ देऊन जाई

अस्तित्वाच्या शोधासाठी पुन्हा

सागरात विरून जाई