मला वाटते...
मला वाटते...
1 min
476
मला वाटते घार व्हावे
आकाशात उंच उडावे
कधी फुलपाखरु होऊन
फुलांवरती हळूच बसावे
लहानगा बाळ होऊनी
माझी हट्ट ही पुरवावी
चोचीभर दाणा पाणी
पिल्लासारखी भरवावी
कधी वाटते तारे व्हावे
रात्रभर चमकत राहावे
चंद्राकडे टकमक बघत
कुशीत मस्त झोपी जावे
कधी पावसा रिमझिम
छोट्या हातावर झेलू दे
घराकाठच्या तळ्यावर
खेळ होडीचा खेळू दे
भातुकलीचा खेळ तसा
पुस्तकही वाचत बसू
पावसाआधी मोरासारखे
अंगणात नाचत बसू