म्हणूनच रे मधुसूदना

तुझं देवत्व

जरी जगाने स्वीकारलं

तरी तू बहाल केले

ते निसर्गाला

गोधन, गोवर्धन पूजून

तू नवा पायंडा घालून दिला..

म्हणूनच रे मधुसूदना

मी वंदन करतो तुला..!!

तूच म्हणाला

ज्याचं भय वाटावं

तो देव कसला.?

वंदन करावे प्रेमाला

न की भयाला

यासाठीच तू परावृत्त केलं

समस्त गोकुळाला

अन् नाकारलेस इंद्राला..

म्हणूनच रे मधुसूदना

मी वंदन करतो तुला..!!

भर सभेत

निर्लज्ज कौरवांनी

द्रूपदीच्या आयुष्याच्या

चिंध्या केल्या..

पण एका चिंधीच्या मोबदल्यात

तिच्या लज्जा रक्षणार्थ

तूच हजारो साड्या पुरवल्या

स्त्री सन्मानाची सार्थ व्याख्या

तू दाखवून दिली जगाला..

म्हणूनच रे मधुसूदना

मी वंदन करतो तुला..!!