महाराष्ट्र दिन-कविता

महाराष्ट्र असे सुंदर आमुचा 

जन्म झाला या मातीत 

याहून अधिक भाग्यथोर 

काय हवे या मायभूमीत 

वृक्षवल्ली,नद्या,डोंगर 

निसर्ग पसरला चौफ़ेर 

इथेच साकारले सत्यस्वप्न 

जगातील वास्तू या भूवर 

क्रांतीकारक,शाहिर,जन्मले 

या महाराष्ट्राच्या भूमीत 

त्यांच्या क्रांती विचाराने 

केला महाराष्ट्र जागृत 

 संत ज्ञानेश्वर,संत तुकाराम 

 शिवबा,शाहू ,फुले, आंबेडकर  

 सावित्रीमाई,फातिमा,कर्मवीर भाऊराव पाटील 

 कार्य त्यांचे पसरले जगभर 

सर्व समाधान इथे मिळे 

नाही कशाची कमी आम्हांला 

गोरगरीब ऐक्याने जगतो 

आदर्श महाराष्ट्राचा जगाला  

संयुक्त लढा महाराष्ट्राचा 

प्रेरणा असे महाराष्ट्राला 

एक मे दिन साजरा करून 

सलाम शहिदांच्या कार्याला