महादान जगण्यास....

सण अक्षय तृतीया

छान उत्सव नमन 

नव सुरुवात आज 

करण्यास शुभ दिन ।।१।।

गोड नैवेद्यासमान

बोल मधुर वाणीचे 

सदा मुखी आशीर्वाद 

झरे हृदयी प्रीतीचे ।।२।।

 

करू विकृती विनाश

वाव गुणांना देऊन

मुहूर्ताचे महादान 

कास विचारी धरून ।।३।। 

आठवणी क्षणोक्षणी 

पवित्रता स्मरण्यास

प्रेम रंग लुटण्यास 

समाधान जगण्यास ।।४।।

क्षण भरभराटीचा 

लाभो सर्वांस सदैव 

होवो विफल दुर्भाग्य 

नको वाट्यास दुर्दैव ।।५।।