मैत्रीसाठी

खूप खूप वाटतं

सखे

भेटावं बोलावं

परत एकदा लहान व्हावं

सगळं सगळं विसरावं

अन्

बालपणाच्या कुशीत शिरावं

खेळ खेळावं

कट्टीबट्टीचा

आठवणीचा लगोर रचावं

बेभान होऊन

चेंडू मारावं

खूपदा वाटतं सखे

अजाणता,निरागसतेची

पट्टी बांधावी

डोळ्याला

अन्

जुन्या आठवणींची 

आंधळी कोशिंबीर खेळावी

अन् 

चूकून का होईना

पण आपल्या

आठवणीच्या छायेला

घट्ट मिठ्ठी मारावी

खूपदा वाटतं 

सखे

रम्य आठवणीत रमून जावं

हूंदडावं खिदळावं नाचावं बागडावं

मनसोक्त जगावं

फक्त

अन्

फक्त मैत्रीसाठी