माय मराठी

मधुर रसाळ गोमटी

माझी मायबोली मराठी llधृll

मराठीची अविट गोडी

चाखतो आम्ही नित्य

अमृता सम गोड मराठी

हे त्रिकालातित सत्य  l१l

ज्ञानोबांनाही भुरळ पडली

माय मराठी च्या गोडीची

मराठीतून टिका केली

श्रीमदभगवतगीतेची I२l

भाषा रूपी भगीनींमध्ये

मराठी ची श्रेष्ठता मोठी

गान तिचे करण्यास

माझी योग्यता पडे थिटी l३l

मराठीतूनी लिहिल्या 

संतांनी अविट गाथा

अभंग ओव्यांतुनी गायीली

भगवंताची महत्ता l४l

अनुस्वार रफार ह्रस्व दीर्घ

पूर्णविराम ल्याली 

काना मात्रा ऊकार वेलांटीने

अलंकृत जाहली l५l