माय मराठी
माय मराठी
1 min
326
शब्द तोडके मोडके
उच्चारता गंध झाले..!!
माय भाषा जपताना
भाव गोडव्याचे आले..!!
ओंजळीत शब्दमोती
मुखी गोडवा अपार..!!
कवितेच्या शिंपल्यात
माय मराठीचे सार..!!
संत कवींच्या हृदयी
अक्षरांचा अभिमान..!!
दूर डोंगरी सजले
माय अमृताचे गान..!!
शिळा भाळी गुंजतोय
मातृभाषेतील नाद..!!
पानोपानी उमटते
मराठीचे पडसाद..!!
माय मराठी आमुची
मज तिचा अभिमान..!!
सान पान सह्याद्रीचे
गाते वीरतेचे गान..!!