"माझे ही हे विश्व आहे"

माझा कसुर काय तुम्ही सांगा ना 

विश्वात मी यायचे नाही का ॥धृ॥

गर्भातली कळी मी

 इवलीशी बाहुली  

मला ही हे जग 

बघायचे आहे ना ॥१॥

दिव्याच्या जोडीला 

वात हवी ना 

वातेशिवाय दिवा 

पेटेल काय ॥२॥

तुमचेच अंकुर मी

मला खोडु नका  

गळत्या पानाला मी

 आधार देईन ना ॥३॥  

मला नको चिऊ 

मला नको खाऊ 

आपण सारे 

मिळुनी राहुया ना ॥४॥  

विश्वात नाव मी

 रोशन करेन ना

आपले घरदार    

 सारे उजळेल ना ॥५॥  

 माझे अस्तित्त्व 

 मिटवु नका ना

तुमच्या-माझ्यासारखे 

 जन्माला येतील का ॥६॥