माझे आईबाबा

माझे आईबाबा | गेले देवाघरी |

वेदनाही उरी | सलतेच ।।

हरवली माया । झाले मी पोरकी ।

वाटते एकाकी । नेहमीच ।।

आठवण येता । कळीज भरते ।

डोळेही भरते । आपोआप ।।

आईची हो माया l उसनी भेटेना ।

चैन ग पडेना । मनाचिया ।।

बापाचे रे छत्र । मोठे जगाहूनी ।

जीवनात कमी । वाटे सदा ।।

कुठे शोधू तुम्हां । हरवली माया ।

सुखाची ग छाया । सापडेना ।।

काहूर दाटले । वाईट वाटते।

एकटी रडते । कधी कधी ।।

अनाथ मी झाले । नशीब फाटके।

दुःखाचे चटके । जीतेपणी।।

कसं भांडू देवा । दगडाची मूर्ती ।

तळमळे किती । जीव माझा ।।

नाही तुला कीव । घेतलास जीव।

दुःखाची जाणिव । रात्रंदिन ।।

आई-बाबा पुढे । सर्व नाती फिकी।

नात्यात रे एकी । दिसते का ।।

कोणीही कुणाचे । नसतात खरे ।

कोरडे फवारे । ओतणारे....।।