लेखणी

नको नको म्हणता जन्म घेतला जगा

आई म्हणे राजकुमारी पहा तरी जरा 

घरात पसरे शोककळा कन्या आली घरा

दुर्गा लक्ष्मीपूजन मानता मलाच ना करता

पहिली मुलगी घरात लक्ष्मी असे फक्त म्हणता

जन्माआधी मला मारून का हो टाकता

बेंबीच्या देठातून सांगे नको करू भ्रूणहत्या

मुलगा मुलगी एक समान लक्षात राहू द्या

मुलगी असते धनाची पेटी तुम्हीच म्हणता ना

प्रेमाची भुकेली मी हृदयात मज ठेवा ना

कुंचल्यातून साकारले चित्र खरे ठरेल ना

अस्त्र माझी लेखणी, समाज बदलेल ना?