कोण होती माणसे ती

ओळखीची वाटणारी कोण होती माणसे ती 

भावनांशी खेळणारी कोण होती माणसे ती

 दोन घास पोट मागे भाकरीची आस होती 

भाकरीला जाळणारी कोण होती माणसे ती

 मायबापा काम नाही झोपण्याला बाज नाही 

झोप रात्री चोरणारी कोण होती माणसे ती 

शिक्षणाला दोन पैसे द्यावयाला आज नाही

 खात पैसे शिकवणारी कोण होती माणसे ती

 माणसांचा जन्म झाला दानवांची रीत झाली

माणसांना मारणारी कोण होती माणसे ती