कोण आहे माझे
कोण आहे माझे
1 min
98
साथ सोडतात पाने देखील
बहरलेल्या झाडांची
साथ सोडतात फुले उमलती
फुललेल्या वेलींची ||
नदी जाते सोडून मागे
अस्तित्व आपले समुद्रामध्ये
पक्षी देखील होतात सावज
सोडून संगत जंगलामध्ये ||
ओलांडते लेक उंबरा माहेरचा
रमते आपल्या संसारात
नातवंडेही जातात दूर
जीव लावून काळजात ||
एकच राहतो दोघांमध्ये
दुसरा जातो सोडून प्राण
श्वास ही देतो असाच धोका
जातो सोडून हृदयातील स्थान ||
एकच आहे अर्थ साऱ्याचा
कोणी नाही आपले इथे
पाऊल टाकले जरी स्वर्गात
कोण असेल माझे तिथे ||