किनारा
किनारा
1 min
234
ज्याच्या ओझरत्या स्पर्शा साठी ,
लाट स्वतःचे सर्वस्व समर्पित करते ...
हो ...
तो किनारा तू च आहेस !
तिच्या हळूवार स्पर्शाने शहारणाऱा
प्रेमार्द ओलाव्याने ओलाचिंब होणारा
ह्या किनार्यावर जीव ओवाळून टाकणार्या लाटेचे ,
किनार्याशी विलक्षण नाते ..
लाटेच्या जीवनाचा
अलवार विसावा सागर किनारा .....
मला सुद्धा हवा असा च किनारा
एक हळूवार विसावा...
जीवाला जीव लावणारा ..
सहजपणे समजून घेणारा,
एक असून वेगळेपण जपणारा
मनाच्या एका कोपऱ्यात
अलगदपणे मावणारा....
माझ्यातल्या 'मी' ला जाणणारा
माझे वेगळेपण जपणारा...