खेडेगावचा निसर्ग
खेडेगावचा निसर्ग
1 min
187
खेडे गावचा नजारा
फुलतो जसा पिसारा
दुरून बघता गाव
दिसतो निसर्ग सारा..
गावाचा पहाट वारा
मंजुळ बासरी होते
गुज किलबिल पाखरे
दिवसाला जाग येते
सारवलेलं घर अंगण
गोठ्यात चरती गाई
चुल मांडून करते
स्वयंपाक माझी आई
प्रकाश किरणे पडती
झाडाच्या आडोशातून
पोरं हातावर घेती
सूर्याला घट्ट धरून
छोटे तलाव बाजूला
काठावर बसून घेते
पाण्यात पाय टाकू
मन मोकळे खेळते