झरा

झुळझुळ झुळझुळ पाणी वाहे 

कधी कड्यावर कधी ओढ्यावर 

नाचत धावत कोसळत वाहे 

आनंद फुलवीत मिळे सागरावर 

ओढ विसावे समुद्राच्या कुशीत

खाऱ्या पाण्यात मिसळे गोडी अवीट 

दोघेही वसती प्रेमाच्या मिठीत 

सूर्य आग ओकत असे अत्यंत रागीट 

सृष्टी सारी तापताच होई लाही लाही 

पाण्याची वाफ होता उरे न बाकी काही 

वारा म्हणे थांब जरा तुला नेतो लांब 

भेटुनिया त्या रवी विचार त्याला जाब  

वरवर जाता शितल झाली हवा 

भरली हुडहुडी तिला न समजे जरा

कडकडून वीज वाफ धडकी डोंगरा 

चमत्कार बघा वाफ होऊन वाहे झरा 

झुळझुळ झऱ्याचे पाणी धावे सागरा

सागरा आले उधाण भेट घेई किनारा 

पुनर्मिलनाने झाली सृष्टी सदाबहार 

झरा झाला सागरमय स्वत्व देऊन बनला दिलदार