हे जिंदगी...

तुझ्या एका नाटकातलं पात्र मी व्हावं 

नाना अपेक्षांचं गाठोडं वाहून न्यावं 

निराशेचा पडदा पडताच कवेत तू घ्यावं 

हे जिंदगी...मी तुला पुन्हा एक संधी द्यावी...

तू पुन्हा एकदा नवं नाटक रचतं घ्यावं 

ज्यात विरून जावीत पात्र भाबडी सारी 

अन भेटावीत काही नवी ज्यात मी विसावी 

पडदा पडताच त्यातली 'मी' मला भेटावी 

अन पुन्हा एकदा प्रवास नव्याने व्हावा सुरु 

हे जिंदगी...मी तुला पुन्हा एक संधी द्यावी...