*गणेश स्तवन*

आज अचानक | मला भेटण्याला | गजानन आला | अंतरंगी ||

दुर्वादळ वाहु | शमी पत्रीसह | मोदक आग्रह | करूनीया ||

नृत्य विशारद | तुम्ही लंबोदर | परशु सुंदर | शोभे हाती ||

विनायक नाम | दिनांचा कैवार मंदाराचा हार | शोभिवंत ||

दुरित नाशक | तुच की गणेश | होती सर्व खुश | भक्तगण ||

मयूर वहाने | उंदरा संगती | झाली असे किती | अगतिक ||

गौरीचा नंदन | स्फूर्तीचा दाता | दाव आम्हा आता | नीजवाट ||

जास्वंद चमेली | फुले मी आणिली | चरणी वाहिली | गजमुखा ||