गमवण्याचे दुःख
गमवण्याचे दुःख
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
229
गमवण्याचे दुःख तुला
पदोपदी झेलतो आहे
क्षणोक्षणी भास तुझा
आजूबाजूला होत आहे
तुझी इतकी सवय होती
विरान सारे रान झाले
बहरलेल्या बागेला आता
पानगळतीचे डोहाळे आले
धीर एकवटून उभारलो जरी
सैरभैर होते घरटे
आठवणींच्या हिदोंळ्यावर
मारत राहते सदैव खेटे
गमवण्याची सल मनात
घर करून राहिली आहे
तुझ्या नसण्याने जीवनात
एक उणीव गहिरी आहे