गे माय थोर तुझे उपकार

पारतंत्र्याच्या विळख्यातूनी 

 सोडवण्या दिधले लाखो प्राण

  गे माय थोर तुझे उपकार ।।१।। 

तुझ्या रक्षणार्थ जाहल्या 

 वीर शहिदांची घेऊनि आन 

  गे माय थोर तुझे उपकार ।।२।। 

गंगा यमुना हिंद हिमालय 

 चोहोबाजूंनी वाढवी तुझी शान 

  गे माय थोर तुझे उपकार ।।३।।

इथेच जन्मली जिजाऊ साऊ

 रमा अहिल्या विसरुन सारे भान 

  गे माय थोर तुझे उपकार ।।३।।

शिव-फुलेंच्या आदर्शातूनी

 दिले डाॕ.आंबेडकरांनी संविधान 

  गे माय थोर तुझे उपकार ।।४।।

जय जवान जय किसान 

 जयघोषातूनि उमले तुझा सन्मान 

  गे माय थोर तुझे उपकार ।।५।।

असाच घडला सार्वभौम भारत

 नित्य तयाचा आम्हा अभिमान 

  गे माय थोर तुझे उपकार ।।६।।