अंगाई..

मऊ मऊ शैयेवरी, निजला गं तान्हा बाई..

हलके हलके जोजवत, गाते तुला मी अंगाई..

न्याहळतो छत केव्हाचा, 

झोप येईना गं माझ्या बाळा..

खेळण्यात रमला संगे, 

ह्याच्या पायातला वाळा..

गालावरच्या खळीलाही, ह्याच्या गं झाली घाई..

हलके हलके जोजवत, गाते तुला मी अंगाई..

शीळ घालुनी मंजुळ गातो, 

इवल्या वेलीवर इवला पक्षी..

आकाशी त्या चांदफुलांनी, 

शिंपीली बघ नाजूक नक्षी.

वेली पाखरांच्या संगे, तान्ह्याला गं पेंग येई..

हलके हलके जोजवत, गाते तुला मी अंगाई..    

            

स्वप्न होवो पूर्ण तुझी

उंच घे रे तू भरारी,

दूर देशी गेला जरी

परतुनी ये माघारी

विसरून जाऊ नको, तुझी साधी भोळी आई

हलके हलके जोजावत गाते तुला मी अंगाई

मऊ मऊ शैयेवरी निजला गं तान्हा बाई..

हलके हलके जोजवत, गाते तुला मी अंगाई..

हलके हलके जोजवत, गाते तुला मी अंगाई..

                             ©®कोमल पाटील