एक खिन्न दिवस
एक खिन्न दिवस
मनाविरुद्ध सारे घडताना येते निराशा
बदललेली दिसते जेव्हा आपल्यांची भाषा
दुरावता प्रिय भेट दुरापास्त ये हताशा
गळता बहर झाला तो जीवनाचा तमाशा
हरले उपचार पडेना उतार जराही
महामारी देशात गिळते प्रियजनांनाही
रूग्णवाहिकेचे आवाज भरविती धडकी
प्राणवायू अभावी मने हतबल चिडकी
कोविड ने भरली सारी इस्पितळे सेंटर
भरती होईना नातेवाईकांची भिरभिर
अक्षम्य केले दुर्लक्ष बेफिकीरीने भोवले
अपुरी साधने राज्यभर वादळ उठले
जिथे तिथे गर्दी मास्क न लावता व्यवहार
ना नियम पाळले स्वतः उपचारांची हार
गांभीर्याने ना घेतले आदेश जारी केलेले
आपल्यासह प्राण अनेकांचे धोक्यात आले