एक गुलाब

पाहिलं एका गुलाबाचं

आज गुलाब विकणं

फुलेल मी उद्या पुन्हा

या आशेवर झुलणं

उन्हाच्या तप्त झळांतही

त्याचं न कोमेजणं

निराशेच्या काळोखातही

त्याचं ते उजळणं

हलाखीच्या काट्यातही

त्याचं हसून फुलणं

ऊन, वारा,पाणी, पाऊस

 सहज हसून झेलणं

मरगळलेल्या माझ्या मनाला

नव्याने शिकवलं जगणं

तरतरी देऊन गेलं

त्याचं निरंतर धडपडणं

खेळण्याच्या वयात गुलाबा

तुझं स्वाभिमानाने जगणं

देऊन गेलं सर्वांना

नव्या आत्मविश्वासाचं देणं