दिपपर्व

दिपपर्व

जिकडे तिकडे प्रकाश उधळी

या दिपपर्वावर

थोडासा तर प्रकाश पडू द्या

आपल्या या मनावर !

दिपमाळांची रोषणाई

हा भुर्दंड खिशाला

विजेची ही उधळपट्टी

कारण लोडशेडींगला !

दिव्यांचा तो गुण शिका रे

जो जळतो दुसऱ्यासाठी

स्वतः जळूनी दुःख साहुनी

जो जगतो दुसऱ्यासाठी !

फटाक्यांचा चाले धुमाकूळ

आवाज मोठमोठे होई

गुदमरतो हा जीव कासावीस

हवा प्रदुषित होई !

प्रकाश पसरा हा ज्ञानाचा

समाज घडवण्यासाठी

स्वतः बदला जगही बदला

या मानव कल्याणासाठी !