चिऊताई
चिऊताई
1 min
163
छोटीशी चिऊताई
दूर दूर जाई
इवले इवले पंख तरी
उंच उंच भरारी घेई
नाजूक तिचे छोटे पाय
अंगणात खेळायचे,
बघुन तिची टुनुक उडी
बाळ राजे हसायचे
इवल्या इवल्या डोळ्यांनी
इकडे-तिकडे बघायची,
नाही कुणी जवळ बघुन
हळुच दाणे टिपायची
रेखीव तिची चोच
काड्या-कुड्या गोळा करायची,
नाहीत हात तरीही
सुंदर घरटे विणायची
झाडांच्या फांदीवर रोज
रंगांयचा चिमण्यांचा लपंडाव,
किलबिल त्यांच्या आवाजाने
सुखावायचा सारा गाव
चित्रांतच उरल्या आता
चिऊताईच्या गमती सार्या,
सिमेंटची जंगले मोठी मोठी
पण नाही कुठे चिऊताई ला निवारा