बकुळीसारखं असावं
बकुळीसारखं असावं
या छोट्याशा बकुळीसारखच असावं,
थोडंसं मोठं होवून बहरलं की झाडापासून स्वतंत्र व्हावं ..
काळ्या पाषाणावर जसं त्याने उठून दिसावं ,
तसंच, कितीही काळोख झाला तरी आपलं चरित्र शुभ्र राहावं ..
जमिनिवर गळून पडलं असतं , छोटसं असूनही कुणी दखल घ्यावयाची अपेक्षा ठेवत नसतं , तरिही नजर खेचून घेत असतं ;
अगदी तसंच जमिनीवर निरपेक्ष राहून आपल्याला कुणाच्याही नजरेत भरता येत असतं ..
ओंजळीत घेऊन त्याचा मंद सुगंध दरवळतो
आणि पायाखाली येउनही , कोमलतेचाच स्पर्ष जाणवतो..
म्हणून कायम दरवळावं,
कुणी कुरघोड़ी केल्यास त्यास कोमलतेनेच सहज हारवावं ..
एखाद्याच्याच नजरेत येऊन त्याच्या ओंजळित पडावं,
आणि आयुष्यभर ध्यानात राहील असा सुगंध मागे सोडून जावं!!