क्रश
क्रश
कुणाचं अस्तित्वच असतं रुबाबदार,
की माझं मन व्हावं वाऱ्यावर स्वार !
तू नसशील जरी माझ्यासाठी,
पण एकट्या हृदयाला जणू तूझ्या सहवासानेच मारली मिठी!
कुणाच्यातरी नजरेत भरायचा तो वेडा प्रयत्न,
कुणालातरी आपलंसं समजण्याचा दिलासा ,
मनातले सगळे विचार थांबून जातात !
क्षणभंगुर प्रेमात सुद्धा लोक आंधळे होऊन जातात !
नजरेला नव्हतं ठाऊक तू कुणाचा आहेस!
पण डोळ्यांनी पहिले तुलाच पाहिलं यात त्यांचा काय दोष आहे?
तुझी गाठ बांधली होती कुणाशी,
हे समजल्यावर नजरच फिरवली मी जशी !
शेवटी जातांना तू पाहिलेस मला क्षणभर ,
पण, ज्या डोळ्यांना मी कैद नाही करू शकत,
मग का खेचुन घेऊ मी अशी नजर !
घेऊन जा तुझा रुबाब तू तुझ्याच सोबत
वाट पाहीन मी कुणाच्या अशाच सहवासाची परत !
वाट पाहीन मी कुणाच्या अशाच सहवासाची परत!