Library
मला करून तर पाहू दे !
मला करून तर पाहू दे !
मला माझेच पंख घेऊन उंच भरारी घेऊ दे !
तुम्हीच तर दिलं आहे पंखांना बळ ,
मग, मला करून तर पाहू दे !
कधी वाटते एखादी गोष्ट बरोबर, मला निवडून तर पाहू दे !
योग्य-अयोग्य मधील फरक समजवलात,
मग , मला करून तर पाहू दे !
वाटतं स्वतः च्या पायावर उभं राहावंसं, दोन पाऊलं तर पुढे टाकू दे !
लेकीने स्वावलंबी व्हावं अशी तुमचीच ईच्छा ,
मग , मला करून तर पाहू दे !
काही निर्णय स्वतः ला मनापासून घ्यावेसे वाटतात, थोडी मुभा दे !
स्वतः तल्या निर्णयक्षमतेची जाणीव तर तुम्हीच करून दिली,
मग, मला करून तर पाहू दे !
निवडलेल्या मार्गावर अखंड चालत राहावंसं वाटतं, थोड्यावेळ हात सोडून दे !
मार्गस्थ रहायला तुम्ही शिकवले,
मग, मला करून तर पाहू दे !
आयुष्याच्या वाटेवर होतील चुका असंख्य , पण मला चूक करू दे !
चुकांमधून धडे घ्यायला शिकवले तुम्ही मला,
मग, मला करून तर पाहू दे !
कधी वाट चुकली, कोसळली , एकटी पडली , तर तुम्ही आहात असा विश्वास मनी असतोच !
तोच विश्वास तुही ठेवून दे !
बघ, मी अशक्य ही शक्य करून दाखवेल !
