STORYMIRROR

Pramod Bawiskar

Others

4  

Pramod Bawiskar

Others

भेट

भेट

1 min
553

भेटली ना जरी भासवावे जरा

भाव नजरेतले साठवावे जरा


नाव वाऱ्यासवे डोलतांना सख्या

साजणा तू मला सावरावे जरा


आठवांचा सडा सांडला अंगणी

वेचतांना दिवे पेटवावे जरा


देह सरणावरी ठेवला तो कसा

श्वास फुंकूनिया जागवावे जरा


नित्य ते रुसणे जाणतो कारणे

साजणाच्या मना ओळखावे जरा


एकटे एकटे वाटले जर तुला

भेटणे आपले आठवावे जरा


साहित्याला गुण द्या
लॉग इन