बाप माझा थोर

बाप माझा थोर माणूस 

कसा मांडू मी शब्दात 

शब्दच अपुरे पडती 

तुजविन कोण या जगात 

लडखडत्या पायांना शिकविले

करंगळी धरून चालायला 

चालता चालता शिकविले मज

भार स्वतःचा सांभाळायला 

दाखविली दुनिया मजला 

आपल्या खांद्यावर बसवून 

परमेश्वराचे दर्शन घेता मज

दिसले माझे दैवत जवळून 

कष्टाचे महत्त्व सांगितले 

प्रामाणिकपणे समजावून 

जपविला विचार सत्याचा 

आयुष्याशी सांगड घालून 

अश्रु लपविले आयुष्यभर

त्या रागाच्या पडद्यामागे 

दिली लाख मोलाची साथ 

सर्वांनी पाठ फिरवली मागे