अदृश्य गाठोडे...

जन्माला येतानाच आपण

आलो घेऊन अदृश्य गाठोडे

त्याच्यातच जमत जाते 

पापपुण्य थोडे थोडे 

दिसत जरी नसले तरी 

जाणवते त्याचे ओझे

पुण्य हलके हवेहवेसे 

नको वाटे पापाचे बोझे

पाठीवरचे अदृश्य गाठोडे 

पाठीवरती कसे असावे? 

पुण्य करायचे की पाप

ज्याचे त्यानेच ठरवावे

चल उचल तुझे गाठोडे 

त्याचा हिशोब आता पुढे 

पाप किती पुण्य किती 

हलकेच सुटतील मग तिढे

कधी ना कुणा दिसले तरी

जादुई भारीच हे गाठोडे 

कोण पापी कोण पुण्यवान 

हे तर न सुटलेले एक कोडे