अभंग रचना:-रक्षाबंधन

भाऊ बहिणीच्या | प्रेमाचे प्रतिक

नाते अगतिक। राखीचेच।।१।।

भाव रक्षासूत्र। बंध रेशमाचे

अतुट नात्याचे। भावासाठी।।२।।

रूसवे-फुगवे। कधी लाडी-गोडी

कधी थट्टा थोडी। चाले सदा।।३।।

जीव तळमळे।एकमेकांसाठी

उभा सदा पाठी। भाऊराया।।४।।

आभाळाची माया। सावली बहीण

ममतेची विणं।सदा जगी।।५।।

असेना दुरावा। न मानी बंधन

मायेचे अंगण। भिजवूनी।।६।।

मनगटी राखी। भावाच्या शोभली

सुखात नाहली। प्रेमभावे।।७।।

शब्दांची ओंजळ। बहीण-भावास

मायेचा सुवास। दरवळे।।८।।

अमोलिक नाते। तुटू नये कधी

अहंकार व्याधी। कदापिही।।९।।