Library
Profile
आमिष
आमिष
1 min
163
कोणी मला हसवून गेलं
कोणी मला रडवून गेलं
सुखी जीवनाचे आमिष देऊन
कोणी मला फसवून गेलं
कोणी मला रागावून गेलं
कोणी मला हिसकावून गेलं
आज ना उद्या मिळेल ऐश्वर्य
कोणी मला स्वप्न दाखवून गेलं
कोणी मला टाकून बोललं
कोणी मला फटकारून बोललं
मी साऱ्याचेच ऐकत राहिलो
जे कुणी मला दुरून बोललं
कोणी मला गोड नाही दिलं
कोणी मला खाऊ नाही दिलं
सर्व असूनही उपाशीच होतो
तरी कोणी मला जेवू नाही दिलं
कोणी मला जवळ नाही घेतलं
कोणी मला माया नाही केलं
मी इतका कुरूपही नव्हतो
कोणी मला प्रेम नाही केलं
