आलाय कंटाळा

खेळण्या-बागडण्याच्या वयात 

आम्ही जबरदस्ती घरात 

नको जाऊ बाहेर म्हणतात 

कोरोना नावाचा राक्षस 

उभा आहे दारात

 राक्षस म्हटले की त्याला 

असतात दोन शिंगे 

कधी-कधी तीन-चार डोळे 

नाही तर कधी नुसतीच भिंगे

 हा हा करून मोठ्यांदा हसतो

 बघितला आम्ही त्याला टीव्हीवर

 इथे मात्र असा कोणी

 दिसत नाही रस्त्यावर

 किती दिवस आम्ही आता 

घरात लपून-छपून बसायचं

 मित्रांना नाही भेटायचं

 मैदानावर नाही जायचं

 एकटाच घरात स्वतःशीच

 किती दिवस खेळायचं ?

इतके दिवस आवडत

 नव्हती शाळा

 पण आता मात्र घरात

 बसून आलाय कंटाळा