आभाळमाया
आभाळमाया
1 min
327
तुझ्या दिव्य पंखाखाली
सुखेनैव चालतो कारभार
सांग मानू किती देवा?
मी तुझे रे आभार
चालवी समस्त सृष्टी
तुझा दिव्य तो प्रकाश
ओढावया दिले आम्हा
तुझे निळे रे आकाश
बरसून काळ्या जलदांनी
तोषविली तप्त धरा
प्राणी पक्षी सृष्टीचा
बघ फुलला फुलोरा
रातीचा काळोख येथे
जरी वाटतो भकास
चंद्र अन् चांदण्याही
काळोखी देती प्रकाश
तुझ्या त्या दिव्य रुपाची
लाभू दे अशीच छाया
बरसू दे सहस्त्र करांनी
देवा तुझी आभाळमाया