Mysterious earth!!!🪐

സുബിഹി ബാങ്ക് കൊടുക്കുന്നത് കേട്ടുകൊണ്ടാണ് അവളുടെ കൺപോളകൾ തുറക്കപ്പെട്ടത്. വീട്ടിലെ ആരും എഴുന്നേറ്റിട്ടുണ്ടായിരുന്നില്ല അവൾ എഴുന്നേറ്റ് ബാത്‌റൂമിൽ പോയി. വുളൂ എടുക്കാനായി മുറ്റത്തേക്കുള്ള കതക് തുറന്നു. ഇരുളിൽ അവിടം മാത്രം വെളിച്ചം പരക്കപ്പെട്ടു. തണുത്ത കാറ്റ് അവളെ തഴുകി കൊണ്ട് കടന്നുപോയി.

ഇരുൾ നിറഞ്ഞ വാനത്ത് ക്രിസ്റ്റൽ ഷേപ്പിൽ ചന്ദ്രനും നക്ഷത്രങ്ങളും തിളങ്ങി. ഇളം കാറ്റ് അവളെ തഴുകി കൊണ്ടിരുന്നു. ആ മനോഹാരിതയെ നശിപ്പിക്കുന്നത് ലൈറ്റിന്റെ പ്രകാശമായതുകൊണ്ട് അവളത് അണച്ചു. വുളൂ എടുക്കാനായി മുറ്റത്തേക്ക് ഇറങ്ങി.

പൈപ്പിൽ നിന്നും വെള്ളം വരുന്നതിന്റെ ശബ്‌ദത്താൽ നിശബ്ദമായ പരിസരം ശബ്ദപൂരിതമായി.

അവളുടെ നാസിക ദ്വാരം ശരവേഗത്തിൽ അന്തരീക്ഷത്തിലൂടെ പരന്നു വരുന്ന ദുർഗന്ധത്തെ ഏറ്റെടുത്തു. അവൾ നാസിക പൊത്തിപ്പിടിച്ചു. ആരുടെയോ ഒക്കെ സാന്നിധ്യം അവൾ അറിഞ്ഞുകൊണ്ട് തിരിഞ്ഞു നോക്കി. ഇരുൾ മാത്രം. ആശ്വാസത്തോടെ കൈകൾ കഴുകാൻ തുടങ്ങി.

" അഊസു ബില്ലാഹി മിന ശൈത്വാനി റജീം. ബിസ്മില്ലാഹി റഹ്മാനി റഹീം. " (പുറത്താക്കപ്പെട്ട പിശാച്ചിൽ നിന്നും ഞാൻ അല്ലാഹുവിനോട് ( പടച്ചവനോട് ) അഭയം തേടുന്നു. പരമകാരുണ്യവാനും കരുണാനിധിയുമായ അല്ലാഹുവിന്റെ നാമം കൊണ്ട് ഞാൻ ആരംഭിക്കുന്നു ) കൈകഴുമ്പോൾ ചൊല്ലേണ്ടുന്ന ദുആ ചൊല്ലി തുടങ്ങിയപ്പോഴേക്കും ഇരുളിൽ കറുത്ത രൂപം അവളുടെ മുന്നിലൂടെ പാഞ്ഞു.

അവളൊന്നു വിറച്ചു ഉള്ളിൽ ഭയം കടന്നു. തോന്നിയതാകും എന്ന് മനസ്സിനെ പഠിപ്പിച്ചു കൊണ്ട് വീണ്ടും ദുആ തുടർന്നു.

" അഷ്ഹതു അൻ ലാ ഇലാഹ ഇല്ലള്ളാഹു വഹ്ദഹു ലാ ശരീക " ദുആ മുഴുവപ്പിക്കും മുന്നേ അവളുടെ കാതിൽ ആ ഭീകര ശബ്‌ദം അലയടിച്ചത്. ആ ശബ്ദത്തിന് ഭൂമി കുലുക്കുവാനോളം ശക്തിയുണ്ടെന്ന് അവൾ ഭയന്ന്. അവൾ ആലില പോലെ വിറച്ചുകൊണ്ട് പതുക്കെ തല തിരിച്ചു നോക്കി.

തന്നെ തന്നെ ഭീകരമായ ചുവന്ന കണ്ണുകളാൽ നോക്കുന്ന മുഖമാകെ ചോര പടർന്ന ഭയാനകമായ രൂപം ചോരയുടെ ദുർവാസന അവളുടെ നാസിക മണത്തറിഞ്ഞു. ആ ഭീകര രൂപം അവൾക്കടുത്തേക്ക് എത്താനായതും

" ഉമ്മാ പടച്ചോനേ..... "

" എന്താടി എന്താ പറ്റിയെ " അവളെ കുലുക്കി കൊണ്ട് അവളുടെ ഉമ്മ വിളിച്ചുണർത്തിയപ്പോഴാണ് അവൾ എഴുന്നേറ്റ് കണ്ണുകൾ തുറന്നത്. ഉമ്മയെ കണ്ടതും കരഞ്ഞു കൊണ്ട് കെട്ടിപ്പിടിച്ചു.

" എന്താടാ എന്താ ഉമ്മാന്റെ കുട്ടിക്ക് സ്വപ്നം കണ്ടോ " അവൾ അതേയെന്ന അർത്ഥത്തിൽ തലയാട്ടി. അവർ അവളെ ആശ്വസിപ്പിച്ചു.

" ആയത്തുൽ കുറുസ്സി ഓതി കിടന്നൂടെ അയ്നെങ്ങനെ പാതിരാത്രി ആ ഫോണിൽ കുത്തി ഇരിക്കും " അവർ അവളെ ശാസിച്ചു. അവർ അവൾക്ക് ആയത്തുൽ കുറുസ്സി ഓതി നെഞ്ചിൽ ഊതി കൊടുത്തു. അവൾ അവരുടെ ചൂടിൽ സമാധാനത്തിൽ വീണ്ടും ഉറങ്ങി.

രാവിലെ ഉണർന്നപ്പോൾ അവളുടെ ചിന്ത മുഴുവൻ രാത്രി കണ്ട സ്വപ്നമായിരുന്നു. ചായ കുടിക്കുമ്പോൾ അവൾ അവളുടെ ഉമ്മയോട് ചോദിച്ചു.

" ഉമ്മ ഈ പ്രേതം പിശാശ് യക്ഷി ഭൂതം ജിന്ന് ഒക്കെ ഉള്ളതാണോ അതോ നമക്ക് തോന്നുന്നതാണോ? "

" അതൊക്കെ ഉള്ളതാണ് "

" ഉമ്മ കണ്ടുക്കുണോ "

" ഇല്ല "

" പിന്നെങ്ങനെ ഉമ്മ പറീണേ ഉണ്ട്ന്ന് "

" രാവിലെതന്നെ ഓൾടെ ഓരോ ചോദ്യങ്ങൾ വല്ലോം കഴിച്ചിട്ട് സ്കൂളിൽ പോകാണ് നോക്ക് പൊ വേണ്ടാത്തതൊക്കെ സ്വപ്നം കണ്ടിട്ട് ഓരോ ചോദ്യങ്ങൾ പൊ "

അവൾ മിണ്ടാതെ ഇരുന്നു.

" ശെരിക്കും ഇതൊക്കെ ഉണ്ടോ? ഇതൊക്കെ എന്റെ തോന്നലാണോ ബ്രഹ്മമാണോ? അതോ ഉള്ളതോ? സത്യം ഉണ്ടെങ്കി നുണ ഉണ്ട്. പടച്ചോൻ ണ്ടെങ്കിൽ ശൈത്താനും ഉണ്ട്!! അറിയില്ല ഈ ഭൂമി മുഴുവൻ ദുരൂഹങ്ങളാണ് ഭൂമിയെ കുറിച് ആർക്കും മുഴുവനായി ഒന്നും അറിയില്ല ഇതെല്ലാം സൃഷ്ടിച്ചവനൊഴിച്ച്!!! mysterious earth!!!

=