മനപായസം

 ക്ലാസ്സിൽ പരീക്ഷ പേപ്പർ വിതരണം നടന്നുകൊണ്ടിരിക്കുന്നു..

" മഞ്ജു.. എ ഗ്രേഡ്.. "

" മനു.. എ ഗ്രേഡ്.. "

അവന്റെ മാർക്ക് കേട്ടപ്പോൾ എല്ലാവരും ഒന്ന് എരിച്ചു..

" വിനു.. ബി ഗ്രേഡ്.. "

ആർക്കും പ്രേത്യേകിച്ചു ഭാവവ്യത്യാസങ്ങൾ ഒന്നും ഉണ്ടായില്ല..

ഇടവേളയാകേണ്ട താമസം പെൺകുട്ടികൾ അവന് അഭിനന്ദനപ്രവാഹങ്ങൾ ഒഴുക്കികൊണ്ടിരുന്നു.. ഇതെല്ലാം നോക്കിയും കണ്ടും നിന്ന് വിനുവും..

അവന് ധാരാളം കഴിവുകൾ പ്രകടിപ്പിക്കാറുണ്ട്.. പാട്ട് പാടുകയും..ചോക്ക് നിർമാണവും അങ്ങനെയങ്ങനെ..

ഒരു ദിവസം അവൻ ക്ലാസ്സിലേക്ക് പാർട്ടി വെയർ ധരിച്ചുവന്നു.. അന്ന് അവനെ ഗണിതാധ്യാപകൻ വേണ്ടുവോളം പ്രശംസിച്ചു..

അവന്റെ ആത്മാർത്ഥ സുഹൃത്ത് ആണ് വിനുവെങ്കിലും അവനോട് ചെറിയ രീതിയിൽ വിദ്വേഷം ഉണ്ടായിരുന്നു..പക്ഷേ അതിനു കാരണക്കാരായ പെണ്ണുകുട്ടികളോട് ദേഷ്യവും..അതിന് കാരണമുണ്ട് നാലാം ക്ലാസ്സ്‌

മുതലെ വിനു സ്നേഹിച്ച പെൺകുട്ടിയായിരുന്നു മഞ്ജു..

ആറാം ക്ലാസ്സിൽ എത്തിയപ്പോൾ കഥകളൊക്കെ മാറി..

അന്നൊരിക്കൽ വൈകുന്നേരം സ്കൂൾ വിടാൻ നേരം മനുവും മഞ്ജുവും കുശലം പറഞ്ഞിരിക്കെ.. ബെല്ലടിച്ചപ്പോൾ അവരുടെ കൈകൾ തട്ടിമാറ്റി അവൻ മുന്നോട്ട് കുതിച്ചു..

അന്ന് ഒരു കലാമേളക്ക്.. കുറച്ചുപേർ പാട്ടുകൾ പാടി..ഒരു വലിയ ഹാളിൽ നിലത്തിരുന്നാണ് പരിപാടികൾ കാണുന്നത്.. സ്റ്റേജിന് വലിയ പൊക്കം ഒന്നും ഉണ്ടായിരുന്നില്ല.. അങ്ങനെ പരിപാടികൾ കണ്ടങ്ങനെ ആസ്വദിക്കുമ്പോൾ.. പെൺകുട്ടികൾ മുൻപിലാണ് ഇരിക്കുന്നത്..അവരെല്ലാവരും എല്ലാവരും മനുവിനോട്‌ ഒരു പാട്ട് പാടാൻ നിർബന്ധിക്കുന്നു..

" ഞാനോ..ഒന്ന് പൊയ്ക്കാവ്ട്ന്ന് "

" മന്വേ..ഇയ്യ് പാട് അന്നെക്കൊണ്ട് പറ്റും.. "

അങ്ങനെ അവരുടെ പ്രോത്സാഹനത്താൽ അവൻ കയറി പാടാനൊരുങ്ങി.. പക്ഷേ ആ സമയത്തും.. അവൻ അതിന് സമ്മതിക്കരുതേ.. എന്ന് കരുതി പ്രാർത്ഥിക്കുന്ന ഒരാളുണ്ട്.. വിനു.. അവൻ കയറിയെങ്ങാനും പാട്ട് പാടിയാൽ പിന്നെ കുറച്ചു സമയത്തേക്ക് അവന് അവരുടെ മുൻപിൽ താരമാവാൻ അതുമതിയല്ലോ..തന്നെയാണെങ്കിൽ ആരും ഒന്നിനും നിർബന്ധിക്കുന്നുമില്ല.. എന്നാൽ തനിക്കൊട്ട് ഒന്നിനും കഴിയുമില്ല..അങ്ങനെ അവൻ പാട്ടു പാടാൻ കയറി..

" എന്നോമനെ.. എൻ ശ്വാസമേ.. എൻ ജീവനെ.. ആയിഷ..

മുത്തുച്ചിപ്പി പോലൊരു.. "

പ്രണയാർദ്രമായ ഈ പാട്ട് കേട്ട് എല്ലാവരും ലയിച്ചു നിൽക്കുമ്പോൾ..വിനു മാത്രം എന്തെന്നില്ലാത്ത പോലെ ഇളിഭ്യനായ ചിരിയും ചിരിച്ച് ഇതൊന്ന് കഴിഞ്ഞിരുന്നെങ്കിൽ എന്ന് കരുതിയിരുന്നു.. അവനോട് ഇറങ്ങിപോകാൻ പറയാൻ വരെ തോന്നി.. ഹാ എന്തായാലും അതും സഹിച്ചു.. വിനു ഏത് സമയവും അവന്റെ പിറകെ തന്നെയാണ്.. അവർ നല്ല ആത്മാർത്ഥ സുഹൃത്തുക്കൾ ആണല്ലോ.. ബെസ്റ്റ് ഫ്രണ്ട്‌സ് എന്ന് പറഞ്ഞുവരുന്നു..

എന്തായാലും പാട്ട് കഴിഞ്ഞ് സ്റ്റേജിൽ നിന്നും ഇറങ്ങി അവൻ പ്രഹസനങ്ങളുമായി അതിലെയും ഇതിലെയും നടക്കാൻ തുടങ്ങി..കൂടെ വിനുവും..

അപ്പോഴതാ.. മഞ്ജു വന്നു..

" മന്വേ നീ നന്നായി പാടുമല്ലോ..എന്തിനാ നിർത്തിയത്.. നിനക്ക് കുറച്ചൂടെ പാടാമായിരുന്നില്ലേ.. " ഇതൊക്കെ പറയുന്നിതിനിടക്കും അവൾ ഇടം കണ്ണിട്ട് വിനുവിനെ നോക്കുന്നുണ്ടായിരുന്നു.. എന്തോ കുത്തിത്തിരുപ്പ് അതിൽ കാണാമായിരുന്നു.. പിന്നെയൊന്നും കണ്ടില്ലെന്ന് നടിച്ച് വിനു ഒന്നും മിണ്ടാതെ നിന്നു.. ടീച്ചർമാരുടെയും എല്ലാവരുടെയും പ്രശംസ പിടിച്ചുപറ്റി നടക്കുന്നതിനിടയിൽ.. അവനും പിറകെ നടന്നു.. ചടപ്പിന്റെ ഓരോ ഘട്ടങ്ങളും മറി കടന്നു..വീട്ടിൽ എത്തിയപ്പോൾ വലിയ സന്തോഷം ഒന്നും ഉണ്ടായിരുന്നില്ല..ഇതൊക്കെ എപ്പോഴേ കൈ വിട്ട് പോയെന്ന് അവനറിയാമായിരുന്നു..

അതൊക്കെ പോട്ടെ..വേദനാജനകമായ കാര്യമെന്തെന്നാൽ അന്നൊരു വാലെന്റൈൻസ് ദിനത്തിൽ ക്ലാസ്സിൽ കയറിയപ്പോൾ.. പെൺകുട്ടികൾ എന്തൊക്കെയൊ പ്ലാനിംഗിൽ ആയിരുന്നു..എന്തായാലും ക്ലാസ്സിൽ തമ്മിൽ പറയുന്നത് കേട്ടു..

" വിനുവിനാണ്.. "

എന്തെന്ന് മനസ്സിലായില്ല.. പിന്നെ കുറച്ച് കഴിഞ്ഞപ്പോൾ പെൺകുട്ടികൾ കടലാസ് ബൊക്കയുമായി വരുന്നുണ്ട് അതിൽ എന്തൊക്കെയോ എഴുതിയിട്ടുണ്ട്.. ഓരോരുത്തരും ഓരോരുത്തർക്ക്.. മഞ്ജു മനുവിനും കൊടുത്തു..അവിടെയാണ് വിനുവിന്റെ പ്രതീക്ഷ വീണ്ടും പാളിയത്..തനിക്കാരും തന്നില്ല.. ആരെങ്കിലും തന്നിരുന്നെങ്കിൽ ആ വിഷമം അങ്ങ് തീരുമായിരുന്നു.. എന്നൊക്കെ വിചാരിച്ചിരുന്നു..

പി. ടി. പീരിയഡ് ഗ്രൗണ്ടിൽ കളിക്കാൻ പോയപ്പോഴും മനുവും ചങ്ങാതിമാരുമൊക്കെ ഭയങ്കര ആവേശത്തിൽ ആയിരുന്നു.. അപ്പോഴും അവന് ഉഷാറുണ്ടായിരുന്നില്ല..അവൻ ഇടക്ക് ക്ലാസ്സിലോട്ട് നോക്കി ജനലിലൂടെ അവർ എന്തൊക്കെയോ പ്ലാൻ ഇടുന്നത് കാണാമായിരുന്നു..അവൻ കളി മതിയാക്കി ക്ലാസ്സിലേക്ക് ചെന്നിരുന്നു.. അവിടെ അങ്ങനെ ബഞ്ചിന്മേൽ ഇരുന്ന് കിടന്നു..ബൊക്കയിലെ പൂക്കളെല്ലാം നിലത്തോട്ട് ചാടിക്കഴിഞ്ഞിരുന്നു.. അപ്പോഴുണ്ട് ഒരു തടിച്ച കുട്ടി ബൊക്കയിൽ പൂക്കളുമായി വന്ന് അവന് കൊടുത്തു..

" എടാ അത് അവൾ നിലത്തു നിന്ന് പെറുക്കിയതാ.. "

എല്ലാം കൂടെയായപ്പോൾ അവനത് അവിടെയിട്ട് ഡസ്ക്കിന്മേൽ കമഴ്ന്നു കിടന്നു..

ആർക്കും ആരോടും പ്രേമം ഇല്ലെന്ന് പിന്നീട് അവന് മനസ്സിലായി..നാലാം ക്ലാസ്സിൽ അവനെന്തോ ഗ്രീറ്റിംഗ് കാർഡിൽ ലവ് ചിഹ്നം വരച്ചെന്ന് വച്ചു.. അത് കിട്ടിയ ആൾ അതൊന്നും അത്ര കാര്യമായി എടുത്തില്ല എന്ന് മാത്രം..ഒരു സൗഹൃദ ബന്ധമായേ അത് എടുത്തുള്ളൂ..പക്ഷേ അതുവരെ അവൾക്കൊരു മതിപ്പുണ്ടാകാൻ ചെയ്തതൊക്കെ വെറും പ്രഹസനങ്ങൾ മാത്രം.. വെറും വിഡ്ഢിത്തരങ്ങൾ..എന്നൊക്കെ മനസ്സിലാക്കാൻ അവനെടുത്ത സമയം വൈകിയിരുന്നു..