ഇന്നലെകൾ
ഇന്നലെകൾ
പാടട്ടെ ഞാനൊരു പാട്ടു മാത്രം
പാതയിൽ പാതിയായ് പകുത്തൊരീ
വേരുകൾ; നീയാം താളുകളിന്നടർന്നൊ-
ലിച്ചൊരീ പടിയിടുക്കിൽ
നിഴലുകളകലെയായ് നിനവുമിരുളിലായ്
നീങ്ങട്ടെ ഞാനുമതിലൊന്നായ്........
കൂടുവിട്ടൊരീ യാത്രയിൽ വിരലുകളക-
ലുന്നൊരീ രാവിൽ
നീയാം ഓർമ്മതൻ തടവിൽ
നിശ്ശബ്ദനായിന്നിതാ നുറുങ്ങുന്നൊരീ
ഹൃദയതന്തുവിൽ നിനക്കായെൻ്റെ
ആത്മസമർപ്പണം നൽകിടട്ടെ ഞാൻ....
നിന്നിലെ സ്വരവും നിന്നിലെ ഗന്ധവും
നിന്നിലേക്കായെൻ്റെ ദൂരവും
എവിടെയോ പോയ് മറഞ്ഞീടുന്ന-
തറിയുന്നിതു ഞാൻ.....
തിരികെ ഞാനൊരു പാട്ടു-
നിനക്കായ് നൽകിടാം
നിന്നിലേക്കടുക്കുവാൻ
കൊതിക്കുന്നൊരീ ജീവനകാവ്യം.....