ದೇವರ ನಾಡ ಚೆಂದ

ನನ್ನ ನಾಡು ಕೇರಳ 

ಇಲ್ಲಿ ತೆಂಗು ಹೇರಳ

ಉಡುಪು ಮಾತು ಸರಳ ಮಾತೃಭಾಷೆ ಮಲೆಯಾಳ

ಸಾಗರ ಉದ್ದಕ್ಕೂ ಬಾಗಿದೆ ತೆಂಗು

ಹಚ್ಚ ಹಸಿರಿನಿಂದ ಕಂಗೊಳಿಸುವ ಕಂಗು

ಮುಗಿಲು ಮುಟ್ಟುವ ಶಿಖರ

ಅದು ಎಷ್ಟು ಸುಂದರ

ಮನಬಿಚ್ಚಿ ಮಾತನಾಡುವ ಇಲ್ಲಿನ ಜನ

ಶುದ್ಧ ಪರಿಶುದ್ಧ ಜನರ ಮನ

ಇಲ್ಲಿ ಹುಟ್ಟಿದ ಜೀವನ ಪಾವನ

ದೇವರ ನಾಡಿಗೆ ಇದೋ ನಮನ

ಅರಬಿ ಸಮುದ್ರದ ಗಾಳಿಯ ತಂಪು

ನದಿಗಳು ಸೂರ್ಯನ ಬೆಳಕಿಗೆ ಹೊಳೆಯುವುದು ಕೆಂಪು

ಹಾರಿತು ಅತ್ತ-ಇತ್ತ ಹಕ್ಕಿಯ ಗುಂಪು

ಇದ ನೋಡಲು ಎಷ್ಟೊಂದು ಕಂಪು