ಬಿಸಿಲಿನ ತಾಪ

ಬಿಸಿಲಿನ ತಾಪಕೆ 

ಉರಿಯುತಿಹುದು ಧರೆಯ ಒಡಲು

ಎಲ್ಲೆಲ್ಲೂ ಬಿಸಿಲಿನ ಬೇಗೆಗೆ

ಬೇಸತ್ತಿಹುದು ಗಿಡ, ಮರ,ಬಳ್ಳಿಗಳು

ವರುಣನ ಕೃಪೆ ಇಲ್ಲದಾಗಿದೆ ಇಂದು

ಮನುಜನ ಸ್ವಾರ್ಥದ ಫಲದಿ

ಧರೆಯು ಬೆಂಕಿಯ ಜ್ವಾಲೆಯಾಗಿ

ಎಲ್ಲವನು ಕಬಳಿಸಲು ಕಾಯುತಿಹುದು

ನೀರಿಗಾಗಿ ಎದ್ದಿಹುದು ಆಹಾ.. ಕಾರ

ಪ್ರಕೃತಿಯು ಉರಿದು ಬೂದಿಯಾಗುತಿಹುದು

ತರಲಾಗದು ಜೀವಿಗಳಿಗೆ ಜಲವ

ಎಲ್ಲವನು ಉಳಿಸುವ ಪರಿಯು ಕಾಣದಾಗಿಹುದು

ಧಗ ಧಗನೆ ಉರಿಯುತಿರುವ ಧರೆಯೊಳಗೆ

ಲಾವಾರಸವು ಹೊರಬರಲು ತವಕಿಸುತಿಹುದು

ಮನುಜನಿಗಿಲ್ಲ ಮುಂದೆ ಉಳಿಗಾಲವೆಂದು 

ಪ್ರಕೃತಿಯ ಧಗೆಯು ಹೆಚ್ಚುತಿಹುದು

ಹಿರಿಯರು ಹೇಳಿದ ಮಾತದೋ ಮರುಕಳಿಸುತಿಹುದು

ಗಿಡ ನೆಡಿ ಗಿಡ ನೆಡಿ ಗಿಡಾ ನೆಡಿ

ಎಂಬ ವೇದವಾಕ್ಯದ ಅರಿವಾಯ್ತು

ಬನ್ನಿ ಈಗಲಾದರೂ ಎಚ್ಚೆತ್ತುಕೊಂಡು

ಗಿಡ ನೆಟ್ಟು ಕಾಡು ಬೆಳೆಸೋಣ, 

ಬಿಸಿಲಿನ ತಾಪವ ನಿಲ್ಲಿಸೋಣ

ವರುಣನ ಕೃಪೆಗೆ ಪಾತ್ರರಾಗೋಣ

ಬಿಸಿಯ ಗಾಳಿಯನು ತಂಪಾಗಿಸೋಣ

ಜೀವ ಜಗತ್ತನ್ನು ಉಳಿಸೋಣ.

ಡಾ. ಮಾಸ್ತಿ ಬಾಬು

ಬೆಂಗಳೂರು