तोहरो दरसन

जबले ना बाबा तोहरो दरसन होई

पुरन ना कामना तोहरे भगतन होई

तू ही हऊआ नाथ बाबा भोलानाथ तू कहाला

दे दा हमरो साथ बाबा बैद्द्नाथ तू कहाला

चरण मे तोहरो हमरो समपरण होई

जबले ना बाबा तोहरो दरसन होई।

दिलवा के भाव चाव तोहके हम चढ़ाइब      

खुश होइबा जईसे बाबा वईसे हम मनाइब

फेरबा ना नजरिया कईसे हमरो अन धन होई

जबले ना बाबा तोहरो दरसन होई।

पहिनेला मिरिगा छाला गरवा शोहे मुंडमाला

माथे चंद्रमा चमके जटा बहे गंगधारा

गंगा जलवा लेके तोहके अरपन होई

जबले ना बाबा तोहरो दरसन होई।

माना मोर बचनिया भोला दे दा दरसनवा

पुरन करा कामना हमरो आ गईले सवनवा

चरण मे झुकल बाबा भारती गरदन होई

जबले ना बाबा तोहरो दरसन होई।