બાળકોનો વિયોગ

કહી તો દીધું કે તમે જાવ,

અમારી ચિંતા ના કરો.

પણ તમારાં ગયાં પછી,

અમારા તરફ, તમારી યાદ દોરી જાય છે.

હવે અમને આ એકલતા કોરી ખાય છે.

હોય છે અમે એકલા, 

ત્યારે, જરા સરખા અવાજથી,

 તમે આવ્યાં એવાં ભાસથી,

એ તરફ અમારી નજર દોડી જાય છે. 

હવે અમને આ એકલતા કોરી ખાય છે.

નિદ્રાદેવીને મનાવીએ છીએ ત્યાં જ, 

સ્વપ્નમાં આવી યાદ તમારી, 

અમારી ઊંઘ ઊડાડી જાય છે 

હવે અમને આ એકલતા કોરી ખાય છે.

 અમે હતાં..તમે હતાં.. અંધકારમાં પણ,

ચાંદનીનો વાસ હતો, પણ તમારાં વિનાં

પ્રકાશ પણ તિમિર તરફ દોરી જાય છે,

અમને આ એકલતા કોરી ખાય છે.