આજીવન ભેટ

"કોણે કહ્યું મારા માતાપિતાએ મને ઘરેણાં ભેટમાં ના આપ્યા?"

પોતાને પુછાયેલા લાલચી પ્રશ્નનો ઉત્તર આપવા નવી વહુના હાથો બેગમાં કશુંક શોધી રહ્યા. બધી જ લાલચી આંખો એ હાથો પર તકાઈ રહી.

"મારા માતા પિતાએ તો એવો ક્રેડિટ કાર્ડ ભેટમાં આપ્યો છે જેનો ઉપયોગ કરી હું ગમે તેટલા ઘરેણાં જાતે જ ખરીદી શકું!" અને એ ક્રેડિટ કાર્ડ બેગમાંથી કાઢી એણે ટેબલ પર મુક્યો. એ એમ.એસ.સી.બી.એડ.ની એની ડિગ્રી હતી!