યાદ

યાદ તારી, ખાસ ભૂલાતી નથી,

એ નગર, એ રાહ મૂકાતી નથી,

એ જ છે, વરસાદની મોસમ સનમ,

સાંધ્ય રંગી, સાંજ ભૂંસાતી નથી,

છે તડપ, દિલમાં મિલનની એટલી,

આંખ શમણે, રોજ મીંચાતી નથી,

બૂંદ જ્યાં વરસાદની પડતી બદન,

તોય કોરી, સેજ ભીંજાતી નથી,

એ મિલન પણ સ્વપ્નનું, જાતું ઊડી,

ને વિયોગે કાલ ઉંજાતી નથી,

આ સફર કેવી મળી, જ્યાં એકલી,

પ્યાસ અનહદ, દિલની બૂઝાતી નથી,

વાયદા પર, છે ભરોસો જિંદગી,

એટલે તો, આજ મુરઝાતી નથી,

આખરી આ શ્વાસ ચાલે તે છતાં,

એ પ્રયાસે, પ્રાસ ગૂંથાતી નથી,

તે છતાં આશા અમર રાખી અમે,

ભાવ કેરી, રાખ ચૂંથાતી નથી.