યાદ દિપાવલીની

કિંમત હતી જ્યારે પાવલીની,

મજા હતી ત્યારે દિપાવલીની !

આસોવદ બારસથી આવતી,

દીવડા, રંગીન બલ્બ લાવતી,

નવા વર્ષ સુધી રંગાવલીની, કિંમત,

ચાંદલીયા, લવિંગીયા, લાલ ટેટા,

પોટાશના અવાજથી તો છેટા,

હતી સૌ મુખમાં ગુંજાવલીની, કિંમત,

ધન-તેરસની તો ધન પૂજા,

ચાંદીની સાથે જ પૂજાતી ગુંજા !

ધૂન મા-લક્ષ્મીની નામાવલીની, કિંમત,

નૂતન વર્ષે બધુ જ નૂતન,

વડીલો પાસે જતાં સૌ વતન,

છે યાદોં " મારૂતિ "ગુમાવેલીની, કિંમત.