Library
વરસાદને કયાં ખબર છે !
વરસાદને કયાં ખબર છે !
1 min
158
કોણ કેટલું ભીંજાય છે ? વરસાદને કયાં ખબર છે !
મનમાં શું-શું થાય છે ? વરસાદને કયાં ખબર છે !
એને તો બસ વરસવું, બીજું કામ પણ શું ?
બાર-બાર નામ ધરે, એવુંય ગાંડપણ શું ?
કોણ કયાં અટવાય છે ? વરસાદને કયાં ખબર છે !
ને કયાં જઈ ભટકાય છે ? વરસાદને કયાં ખબર છે !
આવવું-આવવું થાય, તોયે કયાં આવે છે ?
ને જાવું-જાવું થાય, ત્યારે પણ હંફાવે છે.
માનવ કેવો મૂંઝાય છે ? વરસાદને કયાં ખબર છે !
ને કયાં લપસી જાય છે ? વરસાદને કયાં ખબર છે !
