તું

તું કુદરત તણી કરામત છે કે હૃદયની મરામત

તું કલમનો અધૂરો શણગાર છે કે સંપૂર્ણ ખત,

તું ભરપૂરતાથી છલકાયેલી મીઠપ તણી ગાગર

તું અધમૂઆ ને અધૂરા જીવ પૂર્ણ થઈ અછત,

તું હૈયેથી નીકળેલ આહથી વાહ તણી સફર

આ કચડાય ગયેલા દિલને પંપાળતી માવજત,

તું જીવન તણા અધૂરા હાથની રચાયેલી મેંદી

તું અટપટા ને અવળા મારગડે મટેલી કનડગત,

તું જ હવે આ જીવન તણી રીત, પ્રીત અને હિત

તું આકૃતિ પ્રકૃતિ ને તું જ જીવન દેનાર કુદરત.